Weight Loss: బరువు తగ్గించే బంగాళాదుంప!
close
Published : 14/05/2021 12:22 IST
Facebook Share Twitter Share WhatsApp Share Telegram Share Link Share

Weight Loss: బరువు తగ్గించే బంగాళాదుంప!

బరువు తగ్గాలంటే శరీరంలోని అదనపు కొవ్వు నిల్వలను కరిగించాల్సిందే. ఆహారంలో కొన్ని మార్పుల ద్వారా కూడా బరువును నియంత్రించుకోవచ్చు. దానికి కొన్ని కూరగాయలు బాగా ఉపకరిస్తాయి. అవేంటో చూడండి...

బంగాళా దుంప: దీన్ని తింటే లావవుతామనుకుంటారు చాలా మంది. ఇది నిజం కాదు. ఆలుగడ్డల్లో పొటాషియం మెండుగా ఉంటుంది. ఇది రక్తపోటును నియంత్రణలో ఉంచుతుంది. అయితే దీన్ని నూనెలో వేయించి తినొద్దు. ఉడకబెట్టి తీసుకోవడం మంచిది.

కాలీఫ్లవర్‌: ఇందులో చాలా తక్కువ కెలొరీలు ఉంటాయి. అన్నం, రొట్టె లాంటి ఎక్కువ కెలొరీలనిచ్చే ఆహార పదార్థాలకు దీన్ని ప్రత్యామ్నాయంగా వాడుకోవచ్చు. కప్పు కాలీఫ్లవర్‌ నుంచి 25 కెలొరీలు అందుతాయి.

బెల్‌ పెప్పర్‌: రంగురంగుల్లో లభించే ఈ కూరగాయ కూడా బరువును అదుపు చేయడంలో ముందుంటుంది. దీని నుంచి అందే కెలొరీలు చాలా చాలా తక్కువ. అలాగే దీనిలో కొవ్వును కరిగించే సమ్మేళనాలు సమృద్ధిగా ఉంటాయి. వీటిలోని విటమిన్‌-సి పొట్టలో పేరుకుపోయిన కొవ్వు నిల్వలను తగ్గిస్తుంది.

బీన్స్‌:  కప్పు బీన్స్‌ నుంచి 31 కెలొరీలు లభ్యమైతే, కొవ్వు మాత్రం అస్సలుండదు. వీటిలో విటమిన్‌-సి, కె, ఎలతోపాటు కెరొటినాయిడ్స్‌, యాంటీఆక్సిడెంట్లు, పీచు పుష్కలంగా ఉంటాయి.

ఆకుకూరలు: ఇవి పోషకాల ఖజానాలు. వీటి నుంచి లభ్యమయ్యే కెలొరీలూ తక్కువే. వీటిలోని పీచు వల్ల ఈ కూరలు కొద్దిగా తీసుకున్నా కడుపు నిండిన భావన కలుగుతుంది.

క్యారెట్‌: ఈ పోషకాల దుంపలో పీచు ఎక్కువగా ఉండటంతోపాటు బీటా కెరొటిన్‌ మెండుగా ఉంటుంది. కొవ్వును ఖర్చుచేసే స్రావాలకు సాయం చేస్తుంది.


Tags :

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని