లారీ బోల్తా.. 26 మూగజీవాల మృతి

బొబ్బిలి, న్యూస్‌టుడే: విజయనగరం జిల్లా బొబ్బిలి మండలం గొర్లె సీతారాంపురం వద్ద ఆదివారం వేకువ జామున ఆవులు రవాణా చేస్తున్న లారీ బోల్తా పడింది. ఈ ప్రమాదంలో 26 మూగజీవాలు చనిపోయాయి. మరికొన్ని తీవ్రంగా గాయపడ్డాయి. పార్వతీపురం మన్యం జిల్లా గుమడ నుంచి హైదరాబాద్‌కు లారీలో సుమారు 47 ఆవులను తరలిస్తున్నారు. గొర్లె సీతారాంపురం వద్ద రహదారి గోతులమయంగా ఉండడంతో వాహనం అదుపు తప్పి బోల్తా పడింది. పోలీసులు కేసు నమోదుచేశారు. వేకువజామున వాహనం బోల్తాపడగా ఉదయం 7గంటల వరకు అధికారులెవరూ చేరుకోలేదని స్థానికులు మండిపడ్డారు.