సుఖీభవ

Published : 05/05/2020 00:52 IST
ఎలాకూర్చుంటున్నారు?

క్కువసేపు కూర్చుంటే అధిక కొలెస్ట్రాల్‌, గుండెజబ్బులు, మధుమేహం వంటి రకరకాల సమస్యలు చుట్టుముడతాయి. ఇందులో కొత్తేముంది? చాలాకాలంగా తెలిసిందే కదా. అలా పెదవి విరిచేయకండి. ఎంతసేపు కూర్చుంటున్నామన్నది కాదు, ఎలా కూర్చుంటున్నామన్నదే జబ్బుల విషయంలో కీలకపాత్ర పోషిస్తున్నట్టు తాజా అధ్యయనం ఒకటి సూచిస్తోంది. వేటతో జీవనం సాగించే కొందరు గిరిజన తెగలవాళ్లు సైతం ఆధునిక జీవనశైలిని అనుసరించే మనతో సమానంగానే కూర్చుంటున్నట్టు పరిశోధకులు గుర్తించారు. కాకపోతే వాళ్లు మనలా కుర్చీల మీదో, సోఫాల మీదో కూర్చోవటం లేదు. చాలావరకు గొంతుక్కూర్చుంటున్నారు (స్క్వాటింగ్‌). మనకు జబ్బుల ముప్పు పెరగటానికి, వారికి తక్కువగా ఉండటానికి ఈ తేడానే కారణమని పరిశోధకులు భావిస్తున్నారు. గొంతుకూర్చున్నప్పుడు కాలి కండరాలు మరింత బాగా సంకోచిస్తాయి. పైకి లేచినప్పుడు ఎక్కువ శక్తి ఖర్చువుతుంది. శారీరక సామర్థ్యమూ ఇనుమడిస్తుంది. అందుకే ఎక్కువసేపు కూర్చుంటున్నా వారికి అంత ఆరోగ్యం.

మరిన్ని

జిల్లాలు

ఎక్కువ మంది చదివినవి (Most Read)

మరిన్ని