స్థలం తక్కువ.. కట్టేది ఎక్కువ..!
ఫ్లోర్‌ స్పేస్‌ ఇండెక్స్‌(ఎఫ్‌ఎస్‌ఐ).. నిర్మాణ రంగంలో మరోసారి చర్చనీయాంశంగా మారింది. దేశవ్యాప్తంగా వేర్వేరు నగరాల్లో ఎఫ్‌ఎస్‌ఐపై ఆంక్షలు ఉండగా... హైదరాబాద్‌లో మాత్రం ఇప్పటివరకు ఎలాంటి పరిమితులు లేవు. ఇదే నగర నిర్మాణ రంగంలో కొన్ని విపరీత పోకడలకు మూలం అని కొందరు బిల్డర్లు అంటున్నారు. ప్రస్తుతం స్థిరాస్తి మార్కెట్‌ను ప్రీలాంచింగ్‌, అవిభాజ్యపు వాటా(యూడీఎస్‌) పథకాలు కుదిపేస్తున్నాయి. తక్కువ విస్తీర్ణంలో కొన్ని సంస్థలు 25 నుంచి 36 అంతస్తుల వరకు నిర్మిస్తామని చెబుతున్నాయి.