18న తేల్చేస్తారు..ఐపీఎల్‌ కొత్త టైటిల్‌ స్పాన్సర్‌ ఎవరన్నది ఇంకో వారం రోజుల్లోనే తేలిపోనుంది. చైనా సంస్థ వివో ఈ ఏడాదికి స్పాన్సర్‌షిప్‌ నుంచి తప్పుకున్న నేపథ్యంలో కొత్త ఒప్పందం కోసం బిడ్డింగ్‌ ప్రక్రియను బీసీసీఐ ఆరంభించింది. బిడ్లు దాఖలు చేసేందుకు ఈ నెల 14 వరకు గడువు ఇచ్చింది. 18న బిడ్లు తెరిచి స్పాన్సర్‌ ఎవరన్నది తేలుస్తారు. వివో స్థానాన్ని భర్తీ చేసేందుకు బిడ్‌ ప్రక్రియను ఆరంభించిన బీసీసీఐ.. కొత్త స్పాన్సర్‌షిప్‌ ఒప్పందం నాలుగు నెలల కాలానికే పరిమితమని పేర్కొనడం గమనార్హం. స్పాన్సర్‌ను ఖరారు చేయనున్న ఆగస్టు 18 నుంచి డిసెంబరు 31 వరకే ఒప్పందం ఉంటుందని స్పష్టం చేసింది. వచ్చే ఏడాది వివో కొనసాగేట్లయితే..