గురువారం, ఆగస్టు 06, 2020
home
ఆంధ్రప్రదేశ్
తెలంగాణ
జాతీయ- అంతర్జాతీయ
క్రైమ్
పాలిటిక్స్
బిజినెస్‌
క్రీడలు
సినిమా

ఫీచర్ పేజీలు

ఫొటోలు
వీడియోలు
ఎన్ఆర్ఐ

ఇంకా..

E Paper
Archives
Terms & Conditions
Privacy Policy
FacebookTwitter

తాజా వార్తలు

పాకిస్థాన్ విమానాల‌ను నిషేధించిన అమెరికా!

న‌కిలీ పైల‌ట్ లైసెన్సుల ఆరోప‌ణ‌ల నేప‌థ్యంలో నిర్ణ‌యం

వాషింగ్ట‌న్‌: న‌కిలీ పైలట్ లైసెన్సుల వివాదం పాకిస్థాన్‌ను వెంటాడుతోంది. ఇప్ప‌టికే యూరోపియ‌న్ యూనియ‌న్ పాకిస్థాన్ అంత‌ర్జాతీయ విమానసంస్థ(పీఐఏ)పై నిషేధం విధించిన విష‌యం తెలిసిందే. తాజాగా అమెరికా కూడా అదేదారిలో ముందుకెళ్లింది. పాకిస్థాన్ నుంచి అమెరికాకు న‌డిచే పీఐఏ చార్ట‌ర్ విమానాల అనుమ‌తిని ర‌ద్దుచేస్తున్న‌ట్లు యూఎస్ డిపార్డ్‌మెంట్ ఆఫ్ ట్రాన్స్‌పోర్టేష‌న్ ప్ర‌క‌టించింది.

పాకిస్థాన్‌లో స‌గానికిపైగా పైలట్ లైసెన్సులు న‌కిలీవ‌ని తేల‌డంతో ప్ర‌పంచ‌వ్యాప్తంగా ప‌లుదేశాలు ఆందోళ‌న వ్య‌క్తం చేస్తున్నాయి. తాజాగా అమెరికా ఫెడ‌ర‌ల్ ఏవియేష‌న్ అడ్మినిస్ట్రేష‌న్‌(ఎఫ్ఏఏ) కూడా పీఐఏ విమాన స‌ర్వీసుల‌పై ఆందోళ‌న వ్య‌క్తం చేసింది. దీంతో స‌దరు విమాన సంస్థ స‌ర్వీసుల‌ను అమెరికా రాకుండా నిషేధించింది. అయితే, దిద్దుబాటు చ‌ర్య‌లు ద్వారా ఈ స‌మస్య‌లు ప‌రిషార్కం అవుతాయని పీఐఏ స్థానిక మీడియాకు వెల్ల‌డించింది.

పాకిస్థాన్‌లో ఇప్పటివరకు జారీయైన పైలట్ లైసెన్సుల్లో ఎక్కువశాతం చెల్లనివని అక్కడి ప్రభుత్వ నివేదిక స్పష్టం చేసింది. దేశంలో 860క్రియాశీల పైలట్ లైసెన్సులుండగా వీటిలో దాదాపు 262లైసెన్సులు సందేహాస్పదంగా ఉన్నాయని తేలింది. దీనిపై పాకిస్థాన్ పార్లమెంటులోనూ చర్చ జరిగింది. కేవలం పాకిస్థాన్ అంతర్జాతీయ విమానయానసంస్థ(పీఐఏ)లోనే మూడోవంతు పైలట్లు తప్పుడు విధానంలో లైసెన్సులు పొందినట్లు ద‌ర్యాప్తులో వెల్ల‌డైంది. పీఐఏలో దాదాపు 434మంది పైలట్లు ఉండగా, వీరిలో 141 లైసెన్సులను పాకిస్థాన్ విమానయానశాఖ ఇప్ప‌టికే ర‌ద్దు చేసింది. పాకిస్థాన్‌లో మే నెలలో పీఐఏ విమానం కుప్పకూలి 97మంది మృత్యువాతపడిన అనంత‌రం జ‌రిగిన ద‌ర్యాప్తులో ఈ న‌కిలీ పైలట్ లైసెన్సుల వ్య‌వ‌హారం బ‌ట్ట‌బ‌య‌లైంది.

మరిన్ని

జిల్లాలు

ఎక్కువ మంది చదివినవి (Most Read)

మరిన్ని