సోమవారం, జులై 13, 2020
home
ఆంధ్రప్రదేశ్
తెలంగాణ
జాతీయ- అంతర్జాతీయ
క్రైమ్
పాలిటిక్స్
బిజినెస్‌
క్రీడలు
సినిమా

ఫీచర్ పేజీలు

ఫొటోలు
వీడియోలు
ఎన్ఆర్ఐ

ఇంకా..

E Paper
Archives
Terms & Conditions
Privacy Policy
FacebookTwitter

తాజా వార్తలు

అమెరికాకు అదో వ్యసనం: చైనా

బీజింగ్: ప్రపంచ ఆరోగ్య సంస్థ నుంచి అమెరికా బయటకు రావడంపై సోమవారం చైనా విమర్శలు గుప్పించింది. అమెరికాకు నిష్క్రమించడం ఓ వ్యసనమైందని ఎద్దేవా చేసింది. ఇది ఆ దేశ ఏకపక్షవాదానికి నిదర్శనమని మండిపడింది. దీనిపై చైనా విదేశాంగ శాఖ ప్రతినిధి జావో లిజియన్ మాట్లాడుతూ..‘సంస్థల నుంచి నిష్క్రమించడం, ఒప్పందాలకు స్వస్తి పలకడం అమెరికాకు వ్యసనంగా మారింది’ అంటూ తీవ్ర వ్యాఖ్యలు చేశారు. 

చైనా చేతిలో ప్రపంచ ఆరోగ్య సంస్థ ఒక కీలుబొమ్మలా మారిందని, కరోనా వైరస్ గురించి ప్రపంచానికి సరైన సమాచారం అందించడంలో విఫలమైందని ఆరోపిస్తూ, ఆ సంస్థను వీడుతున్నట్లు శుక్రవారం అమెరికా అధ్యక్షుడు డొనాల్డ్ ట్రంప్‌ ప్రకటించిన సంగతి తెలిసిందే. ఆ నిర్ణయంపై మరోసారి ఆలోచించాలంటూ ఐరోపా దేశాలు అమెరికాను అభ్యర్థించాయి. కాగా, కరోనా వైరస్ మహమ్మారి ప్రపంచ దేశాలను అల్లకల్లోలం చేస్తోన్న తరుణంలో చైనా, అమెరికా సంబంధాల్లో తీవ్ర ఒడుదొడుకులు మొదలయ్యాయి. 

ఇదిలా ఉండగా, అమెరికా ఫస్ట్‌ నినాదంతో అధికారంలోకి వచ్చిన ట్రంప్..అప్పటి నుంచి యూఎన్ హ్యూమన్ రైట్స్ కౌన్సిల్, యూఎన్‌ కల్చరల్ ఏజెన్సీ యునెస్కో నుంచి బయటకు రావడంతో పాటు,  వాతావరణ మార్పులకు సంబంధించి ప్రపంచ దేశాలు కుదుర్చుకున్న ఒప్పందం, ఇరాన్ అణు ఒప్పందానికి స్వస్తి పలికారు. యూఎన్ వలసల ఒప్పందాన్ని వ్యతిరేకించారు. 

మరిన్ని

జిల్లాలు

ఎక్కువ మంది చదివినవి (Most Read)

మరిన్ని