గురువారం, ఆగస్టు 06, 2020
home
ఆంధ్రప్రదేశ్
తెలంగాణ
జాతీయ- అంతర్జాతీయ
క్రైమ్
పాలిటిక్స్
బిజినెస్‌
క్రీడలు
సినిమా

ఫీచర్ పేజీలు

ఫొటోలు
వీడియోలు
ఎన్ఆర్ఐ

ఇంకా..

E Paper
Archives
Terms & Conditions
Privacy Policy
FacebookTwitter

తాజా వార్తలు

మన పర్యాటక ప్రదేశాల్లో షూటింగులు జరపండి

చిత్ర పరిశ్రమకు కేంద్ర మంత్రి అభ్యర్ధన  

దిల్లీ: ఆత్మ నిర్భర భారత్‌ అభియాన్‌లో భాగంగా చిత్ర పరిశ్రమ వర్గాలు పురావస్తుశాఖ పరిధిలోని (ఏఎస్‌ఐ) ప్రదేశాల్లో షూటింగ్‌లు జరపాలని కేంద్ర సాంస్కృతిక, పర్యాటక శాఖ మంత్రి ప్రహ్లాద్‌ పటేల్ చిత్ర పరిశ్రమను కోరారు.  ఈ మేరకు షూటింగులకు అవసరమైన అనుమతులను దరఖాస్తు చేసుకున్న 15 నుంచి 20 రోజుల వ్యవధిలో మంజూరు చేస్తామని తెలిపారు.

‘‘ప్రస్తుత పరిస్థితుల్లో చిత్ర పరిశ్రమ వర్గాలు విదేశాలకు వెళ్లి షూటింగులు జరపడం కష్టం. అందుకే వారు షూటింగ్ లోకేషన్ల కోసం ఈశాన్య రాష్ట్రాలకు వెళ్లాలని సూచిస్తున్నాం. అలా చేయడం వల్ల దేశంలోని వివిధ ప్రదేశాలను సందర్శించాలని ప్రధాని నరేంద్ర మోదీ ప్రజలకు చేసిన విజ్ఞప్తి నెరవేరినట్లవుతుంది. షూటింగ్ కోసం వారు ఆన్‌లైన్‌లో దరఖాస్తు చేసుకున్న 15 నుంచి 20 రోజుల్లో అనుమతులు ఇస్తాం. జనసాంద్రత ఎక్కువగా ఉండే పర్యాటక ప్రాంతాలు కాకుండా తక్కువ జనాదరణ కలిగిన ప్రాంతాల్లో షూటింగులు చేసుకోవాలని విజ్ఞప్తి చేస్తున్నా’’ అని ఫిక్కి సదస్సులో పటేల్  అన్నారు.

కరోనా కట్టడిలో భాగంగా కొంత కాలం పాటు పర్యాటక ప్రదేశాలను మూసివేసిన సంగతి తెలిసిందే. లాక్‌డౌన్‌ నిబంధనల సడలింపు తర్వాత  ఏఎస్‌ఐ పరిధిలోని మూడువేల పర్యాటక ప్రదేశాలను తిరిగి తెరిచారు. మిగిలిన వాటిని మాత్రం మూసి ఉంచారు. అయితే ప్రస్తుత పరిస్థితుల్లో ఏఎస్ఐ పరిధిలోని ప్రదేశాల్లో షూటింగులకు అనుమతి ఉందని, అయితే దాని కోసం ఎంతో పేపర్‌ వర్క్‌ చేయాల్సి ఉంటుందని సంబంధిత అధికారి ఒకరు తెలిపారు.

‘‘చిత్ర పరిశ్రమ ఏఎస్‌ఐ ప్రదేశాల్లో షూటింగులు చేసుకునేందుకు సాంస్కృతిక పర్యాటక శాఖ అన్ని రకాల సహాయ సహాకారలను అందిస్తుంది. అవసరమైతే ఐటీ మంత్రిత్వ శాఖ సహాయం కూడా తీసుకుంటాం. భారత దేశంలోలా ఏదీ అందంగా లేదు. మన ప్రాచీన సంస్కృతి గురించి ప్రజలు తెలుసుకోవాలని నేను కోరుకుంటున్నాను. మన దేశాన్ని, ఇక్కడి ప్రదేశాలను మనం ప్రోత్సహించాల్సిన అవసరం ఉంది’’ అని మంత్రి వెల్లడించారు. ప్రస్తుతం షూటింగులకు అనుమతి కోసం ప్రతిపాదిత తేది నుంచి 15 రోజుల ముందు దరఖాస్తు చేసుకోవాలి.

మరిన్ని

జిల్లాలు

ఎక్కువ మంది చదివినవి (Most Read)

మరిన్ని