శుక్రవారం, జులై 10, 2020
home
ఆంధ్రప్రదేశ్
తెలంగాణ
జాతీయ- అంతర్జాతీయ
క్రైమ్
పాలిటిక్స్
బిజినెస్‌
క్రీడలు
సినిమా

ఫీచర్ పేజీలు

ఫొటోలు
వీడియోలు
ఎన్ఆర్ఐ

ఇంకా..

E Paper
Archives
Terms & Conditions
Privacy Policy
FacebookTwitter

తాజా వార్తలు

 ఆ మాట చెప్పగానే రజనీపై కోపం వచ్చింది

 రజనీతో బంధంపై కమల్‌ వ్యాఖ్య

 ఘనంగా బాలచందర్‌ విగ్రహావిష్కరణ

కేబీ చిత్రపటం వద్ద రజనీకాంత్‌, కమల్‌హాసన్‌

కోడంబాక్కం, న్యూస్‌టుడే: తనను, రజనీకాంత్‌ను ఎవరూ విడదీయలేరని నటుడు కమల్‌హాసన్‌ పేర్కొన్నారు. కమల్‌కు చెందిన రాజ్‌కమల్‌ కార్యాలయంలో కె.బాలచందర్‌ విగ్రహావిష్కరణ కార్యక్రమం శుక్రవారం ఘనంగా జరిగింది. ఇందులో రజనీకాంత్‌, మణిరత్నం, వైరముత్తు, కేఎస్‌ రవికుమార్‌, నాజర్‌, శ్రుతిహాసన్‌, అక్షరహాసన్‌, పూజాకుమార్‌ తదితరులు పాల్గొన్నారు. ఈ సందర్భంగా కమల్‌హాసన్‌ మాట్లాడుతూ.. ‘‘రజనీ, నాకు మధ్య ఉన్న స్నేహం చాలా అపూర్వమైనది. చాలా ఏళ్లక్రితం ఇద్దరు యువకులు ఓ వేపచెట్టు కింద కూర్చుని ఆసక్తిగా మాట్లాడుకున్నారు. ఇకపై కలసి వెళ్లడం కాకుండా, తలో దారిన వెళ్లాలని నిర్ణయించుకున్నారు. నిజానికి వారి మాటలను ఎవరైనా పెద్దలు వినుంటే.. ‘వీరికి గర్వం పెరిగింది’ అని అనుకుని ఉండేవారు. ఆ యువకులే రజనీకాంత్‌, నేను! అప్పుడు మేం తీసుకున్న నిర్ణయం ఇప్పటికీ అద్భుతమైన విషయంగా అనిపిస్తోంది. ఆ యువకులను తలచుకుంటే నాకే ఆశ్చర్యమేస్తోంది. మేం పరస్పరం అభినందించుకుంటాం. విశేషాలను పంచుకుంటాం. మమ్మల్ని ఎవరూ విడదీయలేరు. దర్శకుడు మణిరత్నం శైలి అంటే మహా ఇష్టం. ఓ సారి మణిరత్నం దర్శకత్వంలో నటిస్తున్నట్లు రజనీకాంత్‌ చెప్పారు. టైటిల్‌ ‘తలబది’ అని చెప్పి ‘ఎలాగుంది?’ అని రజనీ అన్నారు. కానీ నాకేమో అది ‘గణపతి’ అని వినిపించింది. వెంటనే ‘నాకు నచ్చలేదు’ అనేశా. ‘ఏదో వినాయకచవితి పండుగలా ఉంది’ అన్నా. ఆయనకు ఏం అర్థం కాలేదు. ‘ఎందుకలా?.. తలబది టైటిల్‌కు దానికి ఏం సంబంధం’ అన్నారు. ‘అయ్యో.. సారీ, నాకు వేరేలా వినపడింది’ అన్నా. మా స్నేహం అలాంటిది. మేం చాలా సహజంగా, సరదాగా ఉంటాం. మా మధ్య గెలుపోటముల ప్రస్తావన ఉండదు. రెండు గోల్‌పోస్టులు ఉంటేనే ఆట రసవత్తరంగా ఉంటుంది. కొన్నేళ్లక్రితం ఓ సారి రజనీకాంత్‌ వచ్చి ‘నాకు ఇవన్నీ నచ్చలేదు. వెళ్లిపోదామని అనుకుంటున్నా!’ అని అన్నారు. నాకు కోపం వచ్చేసింది. ‘మీరు సాధించాల్సిన విషయాలు, బాధ్యతలు ఎన్నో ఉన్నాయి. ఇక్కడే ఉండండి. ఆ ఆలోచనలు వద్దు’ అన్నా. ఇక, కె.బాలచందర్‌ గురించి ఎంత చెప్పినా తక్కువే. ఆయన ప్రాణంతో ఉంటే ఇక్కడ అతిథిగా కూర్చునేవారు. లేనందువల్లే ఆయన శిలగా అక్కడ ఉన్నారు. దాదాపు 43 సంవత్సరాల ఆలస్యంగా రజనీకాంత్‌కు ఐకాన్‌ అవార్డును కేంద్ర ప్రభుత్వం ప్రకటించింది. నిజానికి ఆయనకు తొలి సంవత్సరంలోనే అవార్డు ఇవ్వాల్సింది. అందుకు అర్హుడైన వ్యక్తి’’ అని పేర్కొన్నారు.

Tags:

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్

జాతీయ-అంతర్జాతీయ

జిల్లాలు

ఎక్కువ మంది చదివినవి (Most Read)

మరిన్ని