ఆదివారం, ఏప్రిల్ 05, 2020
home
ఆంధ్రప్రదేశ్
తెలంగాణ
జాతీయ- అంతర్జాతీయ
క్రైమ్
పాలిటిక్స్
బిజినెస్‌
క్రీడలు
సినిమా

ఫీచర్ పేజీలు

ఫొటోలు
వీడియోలు
ఎన్ఆర్ఐ

ఇంకా..

E Paper
Archives
Terms & Conditions
Privacy Policy
FacebookTwitter

తాజా వార్తలు

చింతలేని ఆరోగ్యానికి.. చిరు ధాన్యాలు

ఇంటర్నెట్‌డెస్క్‌: ఒకప్పుడు నిరుపేదల ఆకలి తీర్చిన చిరు ధాన్యాలకు ఇప్పుడు మళ్లీ మహర్ధశ మొదలైంది. ఆధునిక జీవనంలో ఫాస్ట్‌ఫుడ్స్‌ యుగంలో సైతం ఆరోగ్యాన్ని కాపాడుకోవాలన్న తపనతో మనలో చాలా మంది చిరు ధాన్యాలవైపే మొగ్గు చూపుతున్నారు. అన్ని పూటలా చిరు ధాన్యాల్ని ఆస్వాదిస్తున్నారు. హైబీపీ, షుగర్‌, గుండె జబ్బులు, అధిక బరువు, స్థూలకాయం వంటి వ్యాధుల దాడిని తట్టుకొని, వాటి నుంచి బయట పడేందుకు మళ్లీ మన పాత తరం ఆహారపు అలవాట్ల వైపు మొగ్గు చూపడమే పరిష్కారమని, చిరుధాన్యాలే ఆరోగ్యానికి శ్రేష్ఠమని నిపుణులు సూచిస్తున్నారు.  

చిరు ధాన్యాలతో కలిగే ప్రయోజనాలు..

చిరు ధాన్యాలు చిన్నగా ఉన్నాయని చిన్న చూపు చూడకూడదు. రాగులు, సజ్జలు, కొర్రలు లాంటి గింజలు గొప్పగా కనిపించకపోవచ్చు. కానీ ఆరోగ్యానికి ఇవి చేసే మేలు మాత్రం అనంతం. నేడు చిరు ధాన్యాల్లో బాగా ప్రాచుర్యంలో ఉన్నవి జొన్నలు, రాగులు. కొన్ని ప్రాంతాల్లో సజ్జలు కూడా వాడుతున్నారు. కానీ, కొర్రలు, అరికెలు, వరిగెలు, సాములు ఇలా ఇంకా చాలానే ఉన్నాయి. వీటి గురించి చాలా మందికి తెలియదు. కొందరైతే వీటిని చూసి కూడా ఉండరు. చిరు ధాన్యాల్లో పిండి పదార్థంతో పాటు ప్రోటీన్లు, పీచు పదార్థం, ఇనుము, క్యాల్షియం, జింకు వంటి సూక్ష్మ పోషకాలు అధికంగా ఉంటాయి. చిరు ధాన్యాల్లో పొట్టు తీసినా, కాస్త కొవ్వు ఉంటుంది. పైగా ఇది మంచి కొవ్వు. దీంతో శరీరానికి అవసరమైన కొవ్వు ఆమ్లాలు లభిస్తాయి. ఇవి గుండెకు ఎంతో మేలు చేస్తాయి. చిరు ధాన్యాలు షుగర్‌ పేషంట్లకు ఒక బలం లాంటివి. చిరు ధాన్యాల్లో పీచు ఎక్కువగా ఉండటం వల్ల బియ్యంతో పోలిస్తే ఇవి నెమ్మదిగా జీర్ణం అవుతాయి. కాబట్టి వీటిలోని గ్లూకోజ్‌ కూడా రక్తంలో కలుస్తుంది. చిరుధాన్యాలతో చేసిన పదార్థాలను నములుతూ తినడానికి కాస్త ఎక్కువ సమయం పట్టడమే కాకుండా తీసుకునే ఆహార పరిమాణం సైతం తగ్గుతుంది. ఆలస్యంగా జీర్ణం అవుతుంది కాబట్టి తొందరగా ఆకలి వేయదు. ఇలా ఇవి బరువు తగ్గటానికి తోడ్పడతాయి. రక్తంలో కొలెస్ట్రాల్‌ శాతం అదుపులో ఉంటుంది. చిరుధాన్యాలు శరీరంలో ఆమ్ల స్థాయిలు తగ్గటానికి ఉపయోగపడతాయి. దీంతో కడుపులో ఇబ్బంది, అల్సర్ల వంటివి తలెత్తకుండా ఉంటుంది. వీటితో కాల్షియం, ఇనుము లభించడంతో పాటు శరీరంలో మలబద్ధకం దూరమవుతుంది. ఇన్ని ప్రయోజనాలను అందిస్తున్న వీటిని ఆహారంలో ఒక భాగంగా చేసుకుంటే ఆరోగ్యానికి ఎంతో మంచిది.


కామెంట్స్‌
కామెంట్‌ చేయండి!

లాగిన్ ద్వారా నమోదు చేయండి

మీ వివరాలు తో నమోదు చేయండి

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్

జాతీయ-అంతర్జాతీయ

జిల్లాలు

ఎక్కువ మంది చదివినవి (Most Read)