మున్నీ.. బన్నీ.. డాలీ.. చింపూ!
మున్నీ, బన్నీ జంతువుల ప్రదర్శనశాల చూడటానికి వెళ్దామని చాలా సార్లు వాళ్ల నాన్న గారి దగ్గర పేచీ పెడుతున్నారు. ఒక ఆదివారం రోజున కుటుంబమంతా కలిసి జంతుప్రదర్శనశాలకు వెళ్ళడానికి ప్రణాళిక వేసుకున్నారు. జూలో రకరకాల జంతువులను చూసి మున్నీ, బన్నీ చాలా ఆనందించారు. పెద్ద మెడతో ఉన్న జిరాఫీలను, తొండం ఎత్తి ఘీంకరిస్తున్న ఏనుగులను, బోనులో బంధించిన సింహాలను, పులులను కాసేపు బెదురుతూ, మరికాసేపు ఉత్సాహంగానూ చూశారు. అందమైన నెమళ్ళను చూసి ముచ్చటపడ్డారు. కుందేళ్ళను, లేళ్ళను చూసి కేరింతలు కొట్టారు.