ప్రదీప్‌ మాచిరాజు కథానాయకుడిగా నటించిన తొలి చిత్రం ‘30 రోజుల్లో ప్రేమించటం ఎలా?’. మున్నా దర్శకుడు. ఎస్‌.వి.బాబు నిర్మించారు. అమృత అయ్యర్‌ కథానాయిక. జనవరి 29న థియేటర్లలో విడుదలవుతోంది. ఈ నేపథ్యంలోనే గురువారం హీరో విజయ్‌ దేవరకొండ చేతుల మీదుగా చిత్ర ట్రైలర్‌ విడుదల చేశారు. రెండు వేరు వేరు జన్మల నేపథ్యంలో సాగే ప్రేమకథతో ఈ సినిమాని రూపొందించినట్లు తెలుస్తోంది.ట్రైలర్‌లో ప్రదీప్‌.. ‘‘మా ఇద్దరికీ ఒకళ్లంటే ఒకళ్లకి కోపం..చిరాకు. కానీ, మేం ప్రేమించుకోవాలి. అదీ.. 30రోజుల్లో. ఎలా?’’ అని ఆదిని అడగడం ఆసక్తికరంగా అనిపించింది.