close
Published : 01/03/2021 01:26 IST
Facebook Share Twitter Share WhatsApp Share Telegram Share

బన్నీ సినిమాలో స్టార్‌ హీరో కుమార్తె..?

హైదరాబాద్‌: స్టైలిష్‌స్టార్‌ అల్లు అర్జున్‌ కథానాయకుడిగా నటించనున్న ఓ సినిమాలో ప్రముఖ స్టార్‌ హీరో కుమార్తె నటించనున్నట్టు తెలుస్తోంది. కొరటాల శివ దర్శకత్వంలో బన్నీ హీరోగా ఓ సినిమా పట్టాలెక్కనున్న విషయం తెలిసిందే. సామాజికాంశాలతో ఇది రూపుదిద్దుకోనున్నట్లు టాక్‌. #AA21గా రానున్న ఈ చిత్రంలోని ప్రథమార్ధంలో స్టూడెంట్‌ లీడర్‌గా.. ద్వితీయార్ధంలో రాజకీయ నాయకుడిగా బన్నీ కనిపించనున్నారంటూ ఎన్నో రోజుల నుంచి ప్రచారం సాగుతోంది. త్వరలో చిత్రీకరణలో పాల్గొననున్న ఈ ప్రాజెక్ట్‌కు సంబంధించి ఓ ఆసక్తికర విషయం ప్రస్తుతం నెట్టింట్లో తెగ చక్కర్లు కొడుతోంది.

నటుడు శరత్‌కుమార్‌ కుమార్తె నటి వరలక్ష్మి ఈ సినిమాలో ఓ కీలకపాత్ర పోషించనున్నారని సమాచారం. ఇప్పటికే ‘క్రాక్‌’లో జయమ్మగా, ‘నాంది’లో ఆద్యగా మెప్పించి తెలుగువారికి చేరువైన వరలక్ష్మి.. బన్నీ సినిమాలో రాజకీయ నాయకురాలిగా కనిపించనున్నారని నెటిజన్లు చెప్పుకుంటున్నారు. ఈ విషయమై చిత్రబృందం ఇప్పటికే ఆమెను సంప్రదించినట్లు టాక్ వినిపిస్తోంది. అయితే ఈ వార్తలపై ఎలాంటి అధికారిక ప్రకటన వెలువడలేదు.


ఇవీ చదవండి


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని