NIKHIL: ఇప్పుడు వాళ్లే ఫోన్లు చేస్తున్నారు - people takes corona virus in a lite manner
close
Published : 17/05/2021 10:49 IST
Facebook Share Twitter Share WhatsApp Share Telegram Share Link Share

NIKHIL: ఇప్పుడు వాళ్లే ఫోన్లు చేస్తున్నారు

హైదరాబాద్‌: ప్రభుత్వం మాత్రమే కాకుండా సామాన్య ప్రజలు కూడా కరోనా వైరస్‌ని ఎంతో లైట్‌గా తీసుకున్నారని నటుడు నిఖిల్‌ అన్నారు. లాక్‌డౌన్‌ కారణంగా ఇంటికే పరిమితమైన ఆయన సోషల్‌మీడియా వేదికగా ఎంతోమంది కరోనా బాధితులకు చేతనైనంత సాయం చేస్తున్నారు. ఈ నేపథ్యంలో ఇన్‌స్టా లైవ్‌లో నెటిజన్లతో ముచ్చటించారు. కరోనా వైరస్‌ని తక్కువగా చేసి చూడొద్దని.. ప్రతిఒక్కరూ తప్పకుండా జాగ్రత్తలు పాటించాలని సూచించారు. కొన్నిరోజుల క్రితం అందరూ కొవిడ్‌ని తక్కువగా అంచనా వేశారని అన్నారు.

‘‘తెలంగాణలో లాక్‌డౌన్‌ పెట్టకముందు హైదరాబాద్‌ రెస్టారెంట్ల బయట చాలామంది మాస్కులు లేకుండా పార్టీలు చేసుకున్నారు. వాళ్లని చూసి నేను ఎంతో షాక్‌ అయ్యాను. ఇప్పుడు వాళ్లకి కొవిడ్‌ వచ్చి ఆసుపత్రులకు వెళ్లిన తర్వాత బెడ్స్‌, ఆక్సిజన్‌, ఇంజక్షన్లు కావాలని ఫోన్లు చేస్తున్నారు. ప్రభుత్వమే కాదు.. ప్రజలు కూడా కొవిడ్‌ని చాలా తక్కువగా అంచనా వేశారు’’ అని నిఖిల్‌ అన్నారు. మరోవైపు, కరోనా కారణంగా బయట పరిస్థితులు ఎంతో క్లిష్టంగా మారాయని.. ఆక్సిజన్‌ అందక ఎంతో మంది కళ్ల ఎదుటే చనిపోతున్నారని ఇటీవల ఆయన ఆవేదన వ్యక్తం చేసిన విషయం తెలిసిందే. అందరూ ఇళ్లలోనే ఉండాలని, ఆరోగ్యకరమైన భోజనాన్ని తీసుకోవాలని సూచించారు. చేతనైనంత వరకూ ఎదుటివారికి సాయం చేయడానికి ముందుకు రావాలని కోరారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని