ఇంటర్నెట్‌ డెస్క్‌: ‘ఏజెంట్‌ సాయిశ్రీనివాస ఆత్రేయ’తో అందర్నీ మెప్పించిన యువ కథానాయకుడు నవీన్‌ పొలిశెట్టి. ‘జాతిరత్నాలు’ చిత్రంతో మరోసారి ప్రేక్షకులను అలరించేందుకు సిద్ధమయ్యాడు. అనుదీప్‌ దర్శకత్వంలో వస్తున్న ఈ చిత్రంలో నవీన్‌ పొలిశెట్టి, ప్రియదర్శి, రాహుల్‌ రామకృష్ణ కీలక పాత్రల్లో నటిస్తున్నారు. ఫరియా అబ్దుల్లా హీరోయిన్‌గా సందడి చేయనుంది. స్వప్న సినిమాస్‌ పతకంపై నాగ్‌ అశ్విన్‌ నిర్మిస్తున్నారు. రాధన్‌ స్వరాలు సమకూరుస్తున్నారు. మార్చి 11న ఈ చిత్రం ప్రేక్షకుల ముందుకు రానుంది. ఇప్పటికే విడుదలైన ఫస్ట్‌లుక్‌, టీజర్‌, పాటలు ప్రేక్షకులను ఎంతగానో అలరిస్తున్నాయి. కాగా.. అభిమానులు ఎప్పుడెప్పుడా అని ఎదురుచూస్తున్న ఈ సినిమా ట్రైలర్‌ వచ్చేసింది. యంగ్‌ రెబల్‌స్టార్‌ ప్రభాస్‌ ఈ సినిమా ట్రైలర్‌ను గురువారం విడుదల చేశారు. ఆలస్యమెందుకు మీరూ చూసేయండి మరి.!