Sai Tej: ‘రిపబ్లిక్‌’ సందడి
close
Updated : 22/06/2021 07:47 IST
Facebook Share Twitter Share WhatsApp Share Telegram Share Link Share

Sai Tej: ‘రిపబ్లిక్‌’ సందడి

సాయితేజ్‌ కథానాయకుడిగా దేవ్‌ కట్టా తెరకెక్కిస్తున్న చిత్రం ‘రిపబ్లిక్‌’. జీ స్టూడియోస్‌ పతాకంపై జె.భగవాన్‌, జె.పుల్లారావు సంయుక్తంగా నిర్మిస్తున్నారు. ఐశ్వర్య రాజేశ్‌ కథానాయిక. ఇప్పటికే చిత్రీకరణ పూర్తి చేసుకున్న ఈ సినిమా.. ప్రస్తుతం నిర్మాణాంతర కార్యక్రమాలు జరుపుకుంటోంది. సోమవారం నుంచి సాయితేజ్‌ డబ్బింగ్‌ చెప్పడం ప్రారంభించారు. ఈ విషయాన్ని ఆయనే స్వయంగా ట్విటర్‌ వేదికగా తెలియజేశారు. ఈ సందర్భంగా స్టూడియోలో డబ్బింగ్‌ చెబుతున్న ఓ ఫొటోను అభిమానులతో పంచుకున్నారు. ‘‘వైవిధ్యమైన పొలిటికల్‌ థ్రిల్లర్‌ కథాంశంతో రూపొందుతున్న చిత్రమిది. సాయితేజ్‌ ఐఏఎస్‌ అధికారిగా శక్తిమంతమైన పాత్రలో కనిపిస్తారు. జగపతిబాబు, రమ్యకృష్ణ కీలక పాత్రల్లో నటిస్తున్నారు. అన్ని కార్యక్రమాలు పూర్తి చేసి, త్వరలో విడుదల తేదీ ప్రకటిస్తాం’’ అని చిత్ర బృందం తెలియజేసింది. ఈ సినిమాకి సంగీతం: మణిశర్మ, ఛాయాగ్రహణం: ఎం.సుకుమార్‌.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని