Latest Telugu News, Headlines, Breaking News, Articles

Published : 01/01/1970 05:30 IST

Tags :

మరిన్ని

మీ ప్రశ్న

సిరి జవాబులు

Q. నేను ఒక రిటైర్డ్ బ్యాంకు ఉద్యోగిని, పెన్షన్ వస్తోంది. నేను స్టాక్ మార్కెట్ లో ట్రేడింగ్ చేస్తుంటాను. దీనికి స్వల్ప కాల, దీర్ఘకాల మూలధన పన్ను ఎలా ఉంటుంది?

A.
షేర్స్ కొనిగోలు చేసి 12 నెలల లోపు షేర్లను స్టాక్ మార్కెట్లో అమ్మినప్పుడు స్వల్పకాలిక మూలధన లాభం/నష్టంగా పరిగణిస్తారు. మీరు నిర్వహించే లావాదేవీల్లో స్వల్పకాలిక లాభం వచ్చిన సందర్భాల్లో లాభం పై పన్ను 15 శాతం చెల్లించాల్సి ఉంటుంది. షేర్స్ కొనిగోలు చేసి 12 నెలల తరవాత షేర్లను స్టాక్ మార్కెట్లో అమ్మినప్పుడు దీర్ఘకాలం మూలధన ఆదాయ పన్ను గా పరిగణిస్తారు. రూ. 1 లక్ష లాభం వరకు పన్ను కట్టాల్సిన అవసరం ఉండదు. ఆ పైన మాత్రం 10 శాతం పన్ను ఉంటుంది.
Q. ఏజెంట్ ద్వారా కాకుండా ఆన్లైన్ లో టర్మ్ పాలసీ తీసుకోవడం వలన ఏమైనా ఇబ్బందులు ఉన్నాయా? లేక లాభం ఏమైనా ఉంటుందా?

A.
సాధారణంగా, ఏజెంట్ ద్వారా బీమా పాలసీ తీసుకుంటే ఏజెంట్ కి కొంత వరకు కమిషన్ ఉంటుంది, కాబట్టి పాలసీ ప్రీమియం అధికంగా ఉంటుంది. దీని బదులు ఆన్లైన్ లో టర్మ్ పాలసీ తీసుకున్నట్లయితే నేరుగా కంపెనీ ద్వారా తీసుకుంటారు కాబట్టి ప్రీమియం తగ్గుతుంది. పాలసీలో వివరాలు కచ్చితంగా ఉండేలా చూసుకోవాలి, దీని ద్వారా భవిష్యత్తులో క్లెయిమ్ చేయాల్సి వస్తే ఏ విధమైన ఇబ్బందులు తలెత్తకుండా ఉంటాయి. మీకు ఇబ్బందులు ఉన్నట్టయితే నేరుగా కంపెనీ ని సంప్రదించవచ్చు.
Q. నమస్తే సర్, మ్యూచువల్ ఫండ్, ఈక్విటీ, సిప్ మధ్య తేడా వివరించగలరు? వీటిలో ఎందులో ఇన్వెష్ట్ చేస్తే మంచిది అని చెప్పగలరు.

A.
ఈక్విటీ అంటే షేర్ మార్కెట్ లో మదుపు చేసేది అని అర్ధం. ఇందులో నేరుగా షేర్ ఎంచుకోవచ్చు లేదా కాస్త రిస్క్ తగ్గించుకుని మ్యూచువల్ ఫండ్ ద్వారా కూడా మార్కెట్ లో మదుపు చేయవచ్చు. మ్యూచువల్ ఫండ్స్ మీ వీలు ప్రకారం మదుపు చేయవచ్చు లేదా నెల నెలా క్రమంగా సిప్ ద్వారా బ్యాంకు ఖాతా నుంచి ఫండ్ కి డబ్బులు చేరి మీకు యూనిట్స్ దక్కేలా కూడా చేయవచ్చు. సిప్ విధానంలో ఒక ఇండెక్స్ ఫండ్ లో మదుపు చేయండి. యూటీఐ నిఫ్టీ ఇండెక్స్ ఫండ్ ఎంచుకోవచ్చు. నేరుగా ఫండ్ సంస్థలు, ఇతర వెబ్సైట్ల(www.mfuindia.com, www.kuvera.in, myCAMS/ పేటీఎం మొబైల్ ఆప్ లాంటివి) ద్వారా డైరెక్టు ప్లాన్ లో మదుపు చేయోచ్చు. ఇందులో మీకు కమీషన్ చెల్లించనవసరం లేదు కాబట్టి వీటిలో రాబడి రెగులర్ ప్లాన్ల కంటే 1 నుంచి 2 శాతం వరకు ఎక్కువ ఉంటుంది.

మరిన్ని

తాజా వార్తలు

మరిన్ని