close

Published : 25/01/2021 02:01 IST
Facebook Share Twitter Share WhatsApp Share Telegram Share
బీమా ప్రీమియం ఖాతాదారే చెల్లించాలి

వాహన ధరలో చేర్చొద్దు

ఐఆర్‌డీఏఐ ప్యానల్‌ ప్రతిపాదన

దిల్లీ: వాహనం కొనుగోలు చేయడానికి వెళితే, ఇప్పటి వరకు ‘వాహన ధరతో పాటు బీమా ప్రీమియం ఇంత’ అని చెప్పి డీలరు వసూలు చేసుకుంటున్నారు. తదుపరి బీమా మొత్తాన్ని సదరు డీలరు తన ఖాతా నుంచి బీమా కంపెనీకి చెల్లిస్తున్నారు. ఇందువల్ల బీమా ప్రీమియం కింద కొనుగోలుదారు నుంచి కంపెనీ నిర్ణయించిన మొత్తమే వసూలు చేస్తున్నారా, అదనంగా అనేది తెలియడం లేదు. అందుకే ఇకపై వాహన ధరను మాత్రమే కొనుగోలుదారు నుంచి డీలర్‌ లేక వాహన బీమా సేవల ప్రొవైడర్‌ (ఎమ్‌ఐఎస్‌పీ) వసూలు చేయాలని బీమా నియంత్రణ, అభివృద్ధి సంస్థ (ఐఆర్‌డీఏఐ) ప్యానల్‌ ప్రతిపాదించింది. వాహన ప్రీమియంను కొనుగోలుదారు నేరుగా బీమా కంపెనీకి చెల్లించాల్సి ఉంటుంది. ఇందువల్ల వాహన కొనుగోలుదార్లకు ముఖ్యంగా తొలిసారి వాహనం తీసుకునే వారికీ స్పష్టత లభిస్తుందని భావిస్తున్నారు. బీమా కింద ఎంత చెల్లిస్తున్నాం, బీమా కవరేజీ ఆప్షన్స్‌ ఎలా ఉన్నాయి.. రాయితీలున్నాయా.. వంటివీ కొనుగోలుదారు పరిశీలించుకునే వీలు లభిస్తుంది. బీమా ప్రీమియం కింద కొనుగోలుదారు చెల్లించిన మొత్తాన్ని తమ ఖాతాకు మళ్లించి, తరవాత తమ ఖాతా నుంచి బీమా కంపెనీకి ఎమ్‌ఐఎస్‌పీ చెల్లించే ప్రస్తుత విధానాన్ని నిలిపివేయాలని సూచించింది. ఈ ప్రతిపాదనల్ని ఐఆర్‌డీఏఐ ఆమోదిస్తే, కొనుగోలుదార్లు బీమా ప్రీమియం, వాహన ధరలను వేర్వేరుగా చెల్లించాల్సి వస్తుంది.

Tags :

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని