close

Published : 25/01/2021 02:01 IST
Facebook Share Twitter Share WhatsApp Share Telegram Share
కొత్త విభాగంగా పెట్రోరసాయనాల వ్యాపారం:ఆర్‌ఐఎల్‌

దిల్లీ: ముకేశ్‌ అంబానీ నేతృత్వంలోని రిలయన్స్‌ ఇండస్ట్రీస్‌ (ఆర్‌ఐఎల్‌) పెట్రోరసాయనాల వ్యాపారాన్ని కొత్త విభాగంగా విడదీయడాన్ని పూర్తిచేసింది. వ్యూహాత్మక భాగస్వామ్యాలతో వృద్ధి అవకాశాలను అందిపుచ్చుకునేందుకు ఈ నిర్ణయం దోహదపడుతుందని కంపెనీ పేర్కొంది. పెట్రోరసాయనాల (ఓ2సీ) వ్యాపార విభాగం చేతిలో రిలయన్స్‌ చమురు రిఫైనరీ, పెట్రోరసాయనాల ఆస్తులు, రిటైల్‌ ఇంధన వ్యాపారం ఉంటాయి.  కేజీ-డీ6 వంటి చమురు- గ్యాస్‌ ఉత్పత్తి క్షేత్రాలు, జౌళి వ్యాపారం ఇందులో భాగంకావు. గత శుక్రవారం ప్రకటించిన మూడో త్రైమాసిక ఫలితాల్లో మొదటిసారిగా ఓ2సీ వ్యాపార ఆదాయాలను రిలయన్స్‌ కలిపి చూపించింది. ఇంతకు ముందు రిఫైనింగ్‌, పెట్రోరసాయనాల వ్యాపారాల ఫలితాలను వేర్వేరుగా కంపెనీ ప్రకటించేది. మొత్తం రిటైల్‌ వ్యాపారంలో ఇంధన రిటైలింగ్‌ ఆదాయం భాగంగా ఉండేది కాదు. సౌదీ అరామ్‌కో వంటి కంపెనీలకు వాటాలను విక్రయించే ఉద్దేశంతో గతేడాది ఓ2సీ వ్యాపారాన్ని వేరే విభాగంగా విడదీసే ప్రక్రియను రిలయన్స్‌ ఇండస్ట్రీస్‌ ప్రారంభించింది.

Tags :

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని