Published : 16/05/2021 01:08 IST
ఒడియా అంబులా!

పొరుగు రుచి

వేసవిలో వచ్చే పుల్లటి మామిడి కాయలంటే ఎవరికిష్టం ఉండదు. వాటితో పచ్చడి, పులిహోర చేసుకుంటాం. పప్పులు, కూరల్లోనూ వేసుకుంటాం. మరీ ముఖ్యంగా ఆవకాయ పెట్టుకుని నిల్వ చేసుకుంటాం. అయితే ఒడిశాకి చెందిన ప్రజలు మాత్రం దీన్ని ప్రత్యేక పద్ధతుల్లో ఒరుగుల్లా తయారుచేసి, నిల్వ చేసుకుని ఏళ్లపాటు వాడుకుంటారట. అదెలాగో తెలుసుకుందామా...
రెండు మూడు కిలోల మామిడి కాయలను మొదట శుభ్రంగా కడిగి తడిపోయేలా తుడవాలి. ఆ తర్వాత పొట్టు తీసి నిలువుగా ముక్కలుగా కోసుకోవాలి. లోపలి టెంకను తీసేయాలి. ఇప్పుడు మరోసారి కడిగి తుడిచి పెట్టుకోవాలి. వీటిలో ఓ గుప్పెడు (దాదాపు 100 గ్రా.,) ఉప్పు వేసి బాగా కలిపి రెండురోజులపాటు పక్కన పెట్టాలి. మధ్యమధ్యలో కలుపుతూ ఉండాలి. ఆ తర్వాత ఈ ముక్కలను రెండు రోజులపాటు ఎండలో ఆరబెట్టాలి. ఆ ముక్కల్లో వచ్చిన నీటిని పారబోయొద్దు. ఎండబెట్టిన మామిడికాయ ముక్కలను ఆ నీటిలోనే మళ్లీ నాలుగైదు రోజులపాటు వేస్తూ, ఎండలో ఆరబెడుతూ ఉండాలి. ఇలా చేస్తే అంబులాలు ఫెళఫెళలాడుతూ తయారవుతాయి. వీటిని రెండు, మూడేళ్ల వరకు నిల్వ చేసుకోవచ్చు.  
వినియోగమిలా..
తయారుచేసి పెట్టుకున్న అంబులాలను (మామిడి ఒరుగులను) పచ్చళ్లు, శాకాహార, మాంసాహార కూరల్లోనూ వేసుకోవచ్చు. రుచి కూడా చాలా బాగుంటుంది.

మరిన్ని

జిల్లాలు

ఎక్కువ మంది చదివినవి (Most Read)

మరిన్ని